ԱՄՆ նախագահ Բարաք Օբամայի քենիացի տատիկը խոստացել է թոռան համար ավանդական քենիական ճաշատեսակներ պատրաստել նրա այցելության ժամանակ։
Սառա մայրիկը խոստանում է պատրաստել ձուկ, հավ եւ եգիպտացորենի շիլա։
«Կարեւոր չէ, թե Բարաքը սենատոր է, թե նախագահ։ Նա կուտի այն, ինչ ես կեփեմ նրա համար»,- նշել է տատիկը։
Սառա Օբաման Բարաք Օբամայի հորական պապիկի երրորդ կինն է, հայտնում է AFP-ն։ Թեպետ նա Օբամայի արյունակից տատիկը չէ, ԱՄՆ նախագահը նրան հենց տատիկ է կոչում եւ անցյալում այցելում էր նրան։
Օբաման նախագահ դառնալուց ի վեր առաջին անգամ է այցելելու Քենիա։