Հանրային ծառայությունները կարգավորող հանձնաժողովը (նախագահ՝ Ռոբերտ Նազարյան) իր հուլիսի 8-ին կայանալիք նիստում, 13 տարբեր որոշումներով 70 մլն դրամ տուգանքի է ենթարկելու «Հայաստանի էլեկտրական ցանցեր» ընկերությանը: Որոշումների նախագծերը տեղադրված են ՀԾԿՀ կայքում:
Որոշումներից մեկով նախատեսվում է ՀԷՑ-ին տուգանել 10 մլն դրամով, մնացածը՝ 5-ական:
Խոշոր տուգանքը պայմանավորված է ՀԷՑ-ի կողմից ՀԾԿՀ սահամանած կարգը խախտելու հետ: ՀԷՑ-ի տնօրինություն որոշել է վերջին ամիսներին նոր սպառողների սպառման համակարգն էլեկտրական ցանցին միացման նոր կարգ հաստատել, որով սահմանվել է, որ ընկերությունը գտնվում է ծանր ֆինանսատնտեսական վիճակում եւ դիմողի սպառման համակարգն էլեկտրական ցանցին հնարավոր է միացնել միայն այն դեպքում եթե դիմումատուն սահմանված միացման վճարից բացի վճարի նաեւ սպառման համակարգն էլեկտրական ցանցին միացնելուն նպատակով կատարման ենթակա փաստացի ծախսումների գումարը՝ նշված գումարը հետագա 5 տարիների ընթացքում սպառված էլեկտրաէներգիայի դիմացվճարների հաշվին մարելու պայմանով:
ՀԾԿՀ-ն սակայն որոշել է, որ սպառողը պարտավոր է միայն միացման վճարները մուծել: Մնացած դեպքերում ՀԷՑ-ը խնդիրներ է հարուցել սպառողներին համակարգին միացնելու համար: