Հուլիսի 5-ի վաղ առավոտյան Հունաստանում մեկնարկել է միջազգային վարկատուների պայմաններն ընդունելու հարցով հանրաքվեն: Հունաստանի ՆԳՆ տվյալներով՝ հանրաքվեին մասնակցելու իրավունք ունի 8.5 մլն քաղաքացի:
Հանրաքվեն վավեր կճանաչվի, եթե քվեարկությանը մասնակցի ընտրողների առնվազն 40 տոկոսը: Այսօր հույները պետք է որոշեն՝ ընդունե՞լ, թե՞ մերժել Եվրահանձնաժողովի, Եվրոպայի Կենտրոնական բանկի եւ Արժույթի միջազգային հիմնադրամի առաջարկած համաձայնության նախագիծը:
