Հույների մեծ մասը հանրաքվեի ժամանակ «ոչ» է ասում միջազգային վարկատուների պահանջներին: Այս մասին են վկայում սոցիոլոգների տրամադրած տվյալները, փոխանցում է «ՌԻԱ Նովոստի»-ն:
Այդ հարցումներից մեկի համաձայն՝ կողմ ու դեմի միջեւ տարբերությունը կազմում է 7-8 տոկոս, իսկ մեկ այլ հարցումի համաձայն՝ 4 տոկոս: Մասնագետները միաժամանակ նշում են, որ արդյունքներն ավելի հստակ կդառնան օրվա երկրորդ կեսին: «Կարող ենք ասել, որ հանրաքվեում հաղթանակ է տանելու «ոչ»-ը»,-ասել է հարցման արդյունքները ներկայացրած աղբյուրը:
Հիշեցնենք, որ հուլիսի 5-ին Հունաստանում միջազգային վարկատուների ներկայացրած պահանջները ընդունելու կամ մերժելու հարցով հանրաքվե է ընթանում:
Քվեաթերթիկում հարցը ձեւակերպված է հետեւայլ կերպ. «Ընդունե՞լ արդյոք համաձայնության նախագիծը, որը 2015թ. հունիսի քսանվեցի Եվրախմբի շրջանակներում առաջարկել են Եվրահանձնաժողովը, Եվրոպայի կենտրոնական բանկը եւ Արժույթի միջազգային հիմնադրամը, եւ որը բաղկացած է մեկ առաջարկ ներկայացնող 2 փաստաթղթից: Առաջին փաստաթուղթը կոչվում է «Ընթացիկ ծրագրի ավարտի եւ դրանից հետո եկող բարեփոխումներ», իսկ երկրորդը՝ «Կայուն պարտքի նախնական վերլուծություն»:
