Հելսինկիում հուլիսի 5-9-ը կայանալու է ԵԱՀԿ Խորհրդարանական վեհաժողովի ամառային նստաշրջանը՝ նվիրված կազմակերպության հիմնարար փաստաթղթի՝ Հելսինկյան ակտի ստորագրման 40-ամյակին:
ՌԻԱ Նովոստիի փոխանցմամբ, Ռուսաստանի պատգամավորները Ֆինլանդիայի մայրաքաղաք չեն մեկնի: Ռուսական պատվիրակությունը պետք է գլխավորեր Պետդումայի խոսնակ Սերգեյ Նարիշկինը, սակայն հունիսի 30-ին հայտնի դարձավ, որ Ֆինլանդիայի ԱԳՆ-ն մուտքի թույլտվություն չի տրամադրել ռուսական խորհրդարանականներին, որոնք ներառված են Եվրամիության սեւ ցուցակում: