Թայլանդի կենդանաբանական այգում հուլիսի 5-ին տրամվայների բախման հետեւանքով զոհերի թիվը հասել է 5-ի: Այս մասին հաղորդել է տեղի ոստիկանությունը:
Միջադեպը տեղի է ունեցել Կհոնկեն գավառում: Associated Press-ի տեղեկացմամբ, բոլոր զոհերը Թայլանդի քաղաքացիներ են: «Վթարի վայրում մեկ մարդ է զոհվել, եւս չորսը, այդ թվում՝ 2 տարեկան աղջիկ, ստացած վնասվածքներից մահացել են հիվանդանոցում: Ավելի քան 30 վիրավոր կա, որոնցից 10-ը 3-12 տարեկան երեխաներ են»,- նշվում է ոստիկանության հաղորդագրությունում:
Ըստ ՌԻԱ Նովոստիի, վարորդներից մեկն արգելակման համակարգի խափանման պատճառով կորցրել է տրամվայի կառավարումը: Դրա հետեւանքով նա մխրճվել է մեկ այլ տրամվայի մեջ, ինչի արդյունքում տրանսպորտային երկու միջոցներն էլ շրջվել են:
Նշենք, որ տեղի կենդանաբանական այգում տրամվայներն օգտագործվում են՝ այցելուներին կենդանիների բնակավայրեր փոխադրելու համար:
