Թուրքիայի Մանիսա նահանգում կաթի մեքենան բախվել է փոքրիկ բեռնատարի, որ թափքում եղել են աշխատանքի համար դաշտ գնացող գյուղացիներ:
Թուրքական Milliyet-ի փոխանցմամբ՝ հուլիսի 6-ի վաղ առավոտյան Մանիսա նահանգի Գյոլմարմարայի շրջանում տեղի ունեցած սարսափելի ավտովթարի հետեւանքով մահացել են փոքրիկ բեռնատարի թափքում դեպի դաշտ գնացող 15 գյուղացիներ, որոնցից 13-ը կանայք են եղել:
Նախնական վարկածով նշվել է, թե վթարը տեղի է ունեցել կաթ տեղափոխող բեռնատար մեքենայի վարորդի քնելու պատճառով: Կաթ տեղափոխող մեքենան խախտել է հոծ գիծը եւ մտել հանդիպակաց ուղի՝ բախվելով մարդկանց տեղափոխող փոքրիկ բեռնատարին:
