Մեծ Բրիտանիան փորձում է լսել ղարաբաղյան հակամարտության բոլոր կողմերին, որպեսզի հասկանա բոլոր հանգամանքները։ Այս մասին հուլիսի 6-ին կայացած մամուլի ասուլիսի ժամանակ հայտարարեց ադրբեջանագետ Սարգիս Ասատրյանը՝ անդրադառնալով ԼՂՀ նախագահ Բակո Սահակյանին Լոնդոնում կայանալիք Chatham House-ի միջոցառմանը մասնակցության հրավեր ուղարկելուն։
«Դա հետաքրքիր քայլ էր։ Ես չէի ցանկանա այստեղ կոնկրետ մտադրություն տեսնել։ Ադրբեջանը կարեւոր դեր է խաղում Արեւմուտքի համար որպես տնտեսական գործընկեր։ Բաքուն այստեղ առանցքային դեր ունի»,- ընդգծեց Ասատրյանը։
Հիշեցնենք, որ հուլիսի 8-ին Chatham House միջազգային հարաբերությունների ինստիտուտում կայանալիք միջոցառմանը բրիտանական կողմից մասնակցելու հրավեր է ուղարկվել Լեռնային Ղարաբաղի նախագահ Բակո Սահակյանին։