Հոգեթերապեւտ Անատոլի Կաշպիրովսկին Պերմում դատարանի առջեւ կկանգնի ապօրինի կերպով ժողովրդական բժշկությամբ զբաղվելու համար։ Այս մասին գրում է ՏԱՍՍ-ը՝ վկայակոչելով Պերմի երկրամասի պետական առողջապահական վերահսկիչ մարմնին։
«Մենք դատախազությունից նյութեր ենք ստացել վարչական իրավախախտման մասին եւ «Ապօրինի կերպով ժողովրդական բժշկությամբ զբաղվելու» հոդվածով արձանագրություն ենք կազմել»,- ասված է գերատեսչության հայտարարության մեջ։
Նշենք, որ այս հոդվածով նախատեսվում է 2-4 հազար ռուբլի տուգանք։