Barret-Jackson աճուրդի տունը վաճառել է Boeing ընկերության թռչող ավտոմեքենայի նախատիպը: Sky Commuter ինքնաթիռ-մեքենան վաճառվել է 71.500 դոլարով:
Boeing-ը թռչող ավտոմեքենայի հայեցակարգը մշակել է 1980-ական թվականներին: 6 մլն դոլար արժողությամբ նախագծի իրականացմանը շուրջ 60 ներդրող է մասնակցել: Ընդհանուր առմամբ, 3 նախատիպ է ստեղծվել, սակայն ներկայում միայն մեկն է պահպանվել:
Ըստ Motor-ի, եռանիվ ավտոմեքենան ուղիղ թռիչքի գործառույթ ուներ, կարող էր թռչել եւ վայրէջք կատարել ջրային մակերեւույթից: Մեքենան կառավարվում էր երկու անվակով եւ էլեկտրոնային սեղմակով:
Հետագայում, սակայն, Boeing-ը որոշել է դադարեցնել նախագիծը: Երեք նախատիպերից երկու ոչնչացվել են, իսկ վերջին ինքնաթիռ-մեքենան չի գործում:
