Արժույթի միջազգային հիմնադրամը (ԱՄՀ) պատրաստ է անհրաժեշտության դեպքում օգնություն առաջարկել Հունաստանին: Այս մասին ասված է ԱՄՀ տնօրեն Քրիստին Լագարդի համառոտ գրավոր հայտարարությունում:
ՏԱՍՍ-ի փոխանցմամբ, նա նշել է, որ «ԱՄՀ-ն ի գիտություն է ընդունել կիրակի Հունաստանում անցկացված հանրաքվեի արդյունքները», որի ընթացքում երկրի բնակչությունը մերժել է ԵՄ-ի կողմից ֆինանսական հետագա աջակցության հնարավորությունը:
«Մենք ուշադիր հետեւում ենք իրադրությանը եւ պատրաստ ենք օժանդակել Հունաստանին, եթե համապատասխան դիմում ստանանք»,- հավելել է Լագարդը: