Քաղաքագետ Անդրիաս Ղուկասյանը այսօր՝ հունիսի 6-ին, Ազատության հրապարակում քաղաքացիներին կոչ արեց միանալ իրեն և պայքարը շարունակելու մասին իրազեկման երթ անցկացնել քաղաքում: Ազատության հրապարակում քաղաքացիների մեծ մասը միացավ Անդրիաս Ղուկասյանին: Սակայն, ոստիկանությունը նրանց թույլ չտվեց Ազատության հրապարակից դուրս գալ՝ փակելով նրանց ճանապարհը:
«Մենք որոշել ենք խաղաղ երթ անցկացնել Մաշտոցի պողոտա- Ամիրյան- Նալբանդյան- Թումանյան փողոցներով և քաղաքացիներին իրազեկել, որ մեր պայքարը շարունակվում է: Այժմ դրա կարիքն է առաջացել, իսկ մեր երթը ինքնաբուխ է»,-ասաց Անդրիաս Ղուկասյանը:
Նշենք, որ Ազատության հրապարակում է նաև ԱԺ նախկին պատգամավոր, Հանրային խորհրդի անդամ Արշակ Սադոյանը:
Երևանի փոխոստիկանապետ Վալերի Օսիպյանը նշեց, որ երթի մասին չկա համապատասխան իրազեկում:
Հիշեցնենք, որ ոստիկանությունն այսօր՝ հուլիսի 6-ին, հայտարարություն էր տարածել, որ պատրաստվում է այսօր բացել Բաղրամյան պողոտան: Ցուցարարներին ժամանակ էր տրվել մինչեւ 12:30-ը ինքնուրույն բացել պողոտան: Չնայած ոստիկանության հորդորներին՝ ցուցարարները նստել էին փողոցում եւ շարունակում էին նստացույցը: Ոստիկանական ուժերի թիվը Բաղրամյան պողոտայում 13:00-ի սահմանում կտրուկ ավելացավ, նրանք պողոտայում նստած ցուցարարների մեծ մասին ոտքերից բռնած, գրկած վիճակում բերման ենթարկեցին, մյուս մասին շղթա կազմած հեռացրին դեպի մայթ: Գործողության ընթացքում բերման ենթարկվեց 46 քաղաքացի: Այս պահին Բաղրամյան պողոտան բաց է, երթեւեկությունը վերականգնվել է:
Նշենք, որ Ազատության հրապարակում է նաև ԱԺ նախկին պատգամավոր, Հանրային խորհրդի անդամ Արշակ Սադոյանը:— vardmed, Сегодня 22:10