Փրկարար ծառայությունը հուլիսի 6-ին, ժամը 17.50-ին տեղեկություն է ստացել, որ Աշտարկ-Ապարան ավտոճանապարհի 3-րդ կմ-ում տեղի է ունեցել ՃՏՊ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ Մ-3 ավտոճանապարհի Աշտարակ-Ապարան հատվածի 3-րդ կմ-ում դեռեւս չբացահայտված հանգամանքներում բախվել են «ՎԱԶ-2106» մակնիշի 34 SM 385 եւ «Միցուբիշի» մակնիշի 31 UU 888 պետհամարանիշերով ավտոմեքենաները:
Մինչ հրշեջ-փրկարարների կանչի վայր հասնելը` «ՎԱԶ-2106» մակնիշի ավտոմեքենայի ուղեւորները` 1999 թ. ծնված Ն. Շ.-ը եւ 1993 թ. ծնված Գ. Գ.-ը, տեղի ուժերով տեղափոխվել են Աշտարակ քաղաքի ԲԿ, որտեղ բժիշկները Գ. Գ.-ի առողջական վիճակը գնահատել են բավարար: Ն. Շ.-ը տեղափոխվել է «Արմենիա» ՀԲԿ. բժիշկները առողջական վիճակը գնահատել են միջին ծանրության:
Հրշեջ-փրկարարները հոսանքազրկել են ավտոմեքենաները եւ փակել գազի բալոնների փականները:
