Հնդկաստանի եւ Պակիստանի անդամակցությունը Շանհայի համագործակցության կազմակերպությանը (ՇՀԿ) կգրանցվի Հնդկաստանում կայանալիք գագաթաժողովում: Այս մասին հայտարարել է ՌԴ նախագահի օգնական Յուրի Ուշակովը, հաղորդում է «ՌԻԱ Նովոստին»:
«Սկսվում է նրանց անդամակցության գործընթացը, իսկ այդ գործընթացում նրանք պետք է աշխատանքային հուշագիրը համաձայնեցնեն ՇՀԿ-ի քարտուղարության հետ, ապա պետք է միանան 28 փաստաթղթերի, որոնք ընդունվել են եւ հիմնարար են համարվում ՇՀԿ-ի համար: Դրանից հետո հույս ունենք, որ հերթական գագաթաժողովում, մասնավորապես Հնդկաստանում, վերջնականապես կգրանցվի այդ երկու երկրների անդամակցությունը կազմակերպությանը: Մաիյն այդ ամենից հետո կարելի կլինի խոսել ՇՀԿ-ի «ութնյակի» մասին»,-նշել է Ուշակովը: