Իրաքի բանակը ժողովրդական ուժերի հետ համատեղ զանգվածային գործողություն է սկսել «Իսլամական պետություն» ահաբեկչական խմբավորման գրոհայիններից ռազմավարական կարեւոր Էլ Ֆալուջա քաղաքը ազատագրելու համար։ Այս մասին հայտնում է Իրանի պետական հեռուստաալիքը։
Ըստ առկա տեղեկությունների՝ արդեն հաջողվել է գրավել քաղաքի շրջակայքը, որը մայրաքաղաք Բաղդադից 69 կմ հեռավորության վրա է գտնվում։ Շիական «Հիզբոլլահ» կուսակցության անդամ Ջաֆար Հուսեյնիի խոսքով՝ իրենց հաջողվել է կտրել ահաբեկիչներին սննդամթերք մատակարարող ճանապարհը, գրում է ՏԱՍՍ-ը։