Աշխարհի առաջատար սեքսոպաթոլոգները հայտարարում են, որ աշխարհում բոլորովին նոր սեռական կողմնորոշում է ձեւավորվել:
Այսպես կոչված պանսեքսուալները նշանակություն չեն տալիս իրենց զուգընկերոջ սեռին, ինչպես նաեւ իրենց համար միեւնույն են սեփական սեռական հակումները:
«Մենք հայտարարում ենք նոր սեռական կողմնորոշման մասին՝ պանսեքսուալներ: Դրանք այն մարդիկ են, որոնց համար մեկ է, թե ինչ սեռ ունի իրենց զուգընկերը: Նրանք առանց բարդույթների հարաբերության մեջ են մտնում թե աղջիկների, թե տղաների, թե տրանսսեքսուալների եւ անգամ ինտերսեքսուալների (որոնք չեն կողմնորոշվում, թե ինչ սեռի են պատկանում) հետ»,- նշում են գիտնականները:
Նրանց կարծիքով, նման երեւույթը հայտնվել է 21-րդ դարում, հաղորդում է Informing-ը:
Փորձագետները նշում են, որ պանսեքսուալը, անկախ նրանից աղջիկ է, թե տղա, զուգընկեր է ընտրում ոչ թե արտաքին տեսքով կամ սեռով, այլ առաջնորդվում է ներքին բնութագրիչներով՝ բարոյական սկզբունքներ, բնավորության գծեր ու անձնական որակներ:
