ԵՄ արտաքին քաղաքական եւ անվտանգության քաղաքականության հարցերով գերագույն ներկայացուցիչ Ֆեդերիկա Մոգերինին հայտարարել է, որ «վեցնյակը» շարունակում է Թեհրանի հետ բանակցել միջուկային ծրագրի շուրջ, եւ բանակցությունները կարող են շարունակվել մի քանի օր, գրում է «ՌԻԱ Նովոստի»-ն։
«Մենք շարունակում ենք բանակցությունները։ Սակայն դա չի նշանակում, որ մենք ձգձգում ենք վերջնաժամկետը»,-ասել է Մոգերինին։
Նշենք, որ այսօր Իրանի եւ «վեցնյակի» արտգործնախարարները երկրորդ լիագումար նիստն են անցկացնում։