«Արմատա» մարտական պլատֆորմը կցուցադրվի Russia Arms Expo-2015 միջազգային ցուցահանդեսի ժամանակ, որը կկայանա սեպտեմբերի սկզբին Ներքին Տագիլում, հայտնում է ՏԱՍՍ-ը՝ վկայակոչելով «Ուրալվագոնզավոդ» ընկերության գլխավոր տնօրեն Օլեգ Սիենկոյին։ Վերջինիս խոսքով՝ «Արմատա»-ն կարող է ցուցադրվել փակ ցուցադրությամբ կամ ապակու տակ։
«Իհարկե մենք այն կցուցադրենք։ Դա կամ կլինի փակ ցուցադրություն կամ «Արմատա»-ն կլինի ապակու հետեւում»,-ասել է Սիենկոն։
«Արմատա»-ն ծանր պլատֆորմ է, որի բազայի վրա ստեղծվել է տանկ եւ հետեւակի մարտական մեքենա։