Հուլիսի 21-ին, ժամը 03.05-ին, ոստիկանության Արմավիրի բաժնի ծառայողները Արմավիր քաղաքի Աբովյան փողոցից, թմրանյութ պահելու եւ իրացնելու կասկածանքով, բերման են ենթարկել 24-ամյա Թագուհի Ա.-ին, 40-ամյա Աշոտ Մ.-ին, 30-ամյա Լավրենտ Հ.-ին եւ 42-ամյա Արթուր Ս.-ին:
Ոստիկանության մամուլի ծառայությունից հայտնում են, որ խուզարկության ժամանակ Թագուհի Ա.-ի մոտից հայտնաբերվել է սուր հոտ ունեցող, դեղնականաչավուն չորացված, մանրացված զանգված: Վերջինիս բանավոր հայտարարությամբ` թմրանյութ է, եւ այն իրեն է տվել Լավրենտ Հ.-ն: Աշոտ Մ.-ի մոտից հայտնաբերվել է «Դիազեպամ» եւ «Տրամադոլ» գրառմամբ 1-ական դեղահաբ: Աշոտ Մ.-ի բանավոր հայտարարությամբ` հոգեմետ դեղահաբեր են, պատկանում են իրեն, որոնք ձեռք է բերել 2004 թ. Մեծամոր քաղաքի պոլիկլինիկայից` բժշկի համապատասխան թույլտվությամբ:
Նշանակվել են տոքսիկոքիմիական եւ դատաքիմիական փորձաքննություններ:
Կատարվում է հետաքննություն: