Այս տարվա սկզբից Հայաստանն արդեն գերազանցել է 2014թ. պտուղ-բանջարեղենի արտահանման ծավալները։ Այդ մասին հուլիսի 22-ին լրագրողների հետ զրույցում հայտնել է գյուղատնտեսության փոխնախարար Ռոբերտ Մակարյանը։ Նրա խոսքով, տարվա սկբից արտահանման ծավալը կազմել է 46456 տոննա, ներառյալ մրգերն ու բանջարեղենը։ Դա արդեն 65 տոննայով ավելին է, քան ողջ 2014թ.։
Արտահանվել է 24816 տոննա միրգ։ Դրա մեծ մասը՝ 19330 տոննան, ծիրանն է։ Արտահանվել է նաեւ 1909 տոննա կեռաս, 1195 տոննա խաղող։ Արտահանվել է 16836 տոննա բանջարեղեն, որից 4870 տոննան՝ կարտոֆիլ։