Տոկիոյի Նարիտա օդանավակայանում Ճապոնիայի քաղաքացի է ձերբակալվել՝ 4 կգ կետամին տեղափոխելու փորձի համար: Այդ մասին հինգշաբթի հաղորդել է Ճապոնիայի Առողջապահության, աշխատանքի եւ բարեկեցության նախարարությունը:
Նրա տվյալներով՝ դա երկրի պատմության ընթացքում ամենամեծ խմբաքանակով թմրանյութն է, որն առգրավվել է օդանավակայանում: Սեւ շուկայում նրա արժեքը կազմում է մոտ 120 մլն իեն (1 մլն դոլար), հաղորդում է ՏԱՍՍ-ը:
Համաձայն հետաքննության տվյալների՝ տղամարդն ապրում է Իոկոգամա: Նախքան օդանավակայանում ձերբակալվելը նա վերադառնում էր Մալազիա իրականացրած ճանապարհորդությունից, որտեղ էլ ձեռք է բերել կետամինը: Նա փորձել է թմրանյութերը տեղափոխել բեռների հետ: Հանցագործի խոսքով՝ այդ ալյուրը ինքը գնել է ճանապարհին ընկերների համար եւ տեղյակ չի եղել, որ դրա մեջ թմրանյութ կա: