Սյունիքի մարզի Վերշեն համայնքի ղեկավար Արարատ Օրդյանը մեղադրվում է պաշտոնեական կեղծիքի եւ պաշտոնեական դիրքը չարաշահելով յուրացում կատարելու մեջ: Այս մասին NEWS.am-ը տեղեկացավ Դատական տեղեկատվական համակարգից:
Ըստ մեղադրական եզրակացության՝ գյուղապետը կազմել եւ «ՀՀ Սյունիքի մարզի Վերիշեն գյուղական համայնքի ղեկավարի աշխատակազմ» կլոր կնիքի դրոշմով հաստատել է պաշտոնական փաստաթուղթ հանդիսացող կեղծ հրաման: Բացի դրանից՝ Օրդյանը պարբերաբար ստացել է աշխատողների աշխատավարձերը:
Օրդյանին մեղադրանք է առաջադրվել ՔՕ 38-314-րդ հոդվածի 1-ին մասի, 314-րդ հոդվածի 1-ին մասի եւ 179-րդ հոդվածի 2-րդ մասի 1-ին կետի հատկանիշներով: Նա ստորագրությամբ ազատ է արձակվել:
Գյուղապետի բացի մեղադրանք է առաջադրվել նաեւ համայնքի ղեկավարի աշխատակազմի քարտուղար Արթուրո Շալունցին, աշխատակազմի առաջատար մասնագետ-հաշվապահ Գարոննա Զադայանին, ինչպես նաեւ Արտակ Օրդյանին, որին էլ գյուղապետի խոստման համաձայն՝ անցել է աշխատանքի գյուղապետարանում՝ որպես ակումբի վարիչ:
Գործն ուղարկվել է Սյունիքի մարզի ընդհանուր իրավասության դատարան: