Աղվերանում մեկնարկել է ՀՀ կրթության եւ գիտության նախարարության կողմից կազմակերպվող Համահայկական հայագիտական 7-րդ օլիմպիադան, որը կավարտվի հուլիսի 27-ին: Օլիմպիադային մասնակցում են 100 պատվիրակներ՝ Հայաստանից, Արցախից եւ 7 սփյուռքահայ գաղթօջախներից: Այս օրերին 14-18 տարեկան շուրջ 80 հայ պատանիներ եւ աղջիկներ իրենց գիտելիքներով մրցելու են հայոց լեզվի, հայ գրականության, պատմության, մշակույթի պատմության ոլորտներում: Առանձին անցկացվելու է հայ եկեղեցու պատմության մրցույթ:
Մասնակիցները պետք է կարողանան դրսեւորել գիտելիքներ բոլոր ոլորտներից՝ ինչպես գրավոր, այնպես էլ բանավոր հարցման ժամանակ:
Բացի հիմնական մրցույթից, նախատեսված են նաեւ հայկական երգի եւ ասմունքի մրցույթներ, ինչպես նաեւ ուսուցողական եւ ժամանցային միջոցառումներ, այցելություններ պատմամշակութային վայրեր:
Նշենք, որ, Համահայկական հայագիտական օլիմպիադան անցկացվում է երկու տարին մեկ անգամ: