Սիսիան-Մեղրի ավտոճանապարհին այսօր՝ հուլիսի 23-ին, տեղի ունեցած ողբերգական վթարի հետեւանքով մահացածներից երկուսը Ուկրաինայի Հանրապետության քաղաքացիներ են: Այս մասին NEWS.am-ը տեղեկացավ ՏԿԱԻՆ մամուլի ծառայությունից:
Նրանց փոխանցմամբ՝ Ք. եւ Ա. Գ.-ները (Ուկրաինայի Հանրապետության քաղաքացիներ), 2011 թ. ծնված Մ. Ա.-ը եւ «Օպել Վեկտրա» մակնիշի ավտոմեքենայի վարորդը տեղում մահացել են:
Նշենք, որ վթարից տուժել են նաեւ հայրը, դուստրը եւ 2-ամյա թոռը: Նրանք տեղափոխվել են Սիսիանի զինվորական հոսպիտալ: Վիրավորների վիճակը գնահատվում է կայուն:
Ավելի վաղ ԱԻՆ-ը հայտնել էր, որ հուլիսի 23-ին, ժամը 12.39-ին ահազանգ է ստացվել, որ Սիսիան-Մեղրի ավտոճանապարհի 18-րդ կմ-ին տեղի է ունեցել ավտովթար: Սիսիան-Գորիս ավտոճանապարհահատվածում բախվել են «Մերսեդես» եւ «Օպել» մակնիշի ավտոմեքենաները: Ըստ նախնական տվյալների` կա 4 զոհ եւ 3 վիրավոր: