Fiat Chrysler Automobiles կոնցեռնում ընդգրկված իտալական Ferrari-ն դիմում է ներկայացրել Նյու Յորքի ֆոնդային բորսայում բաժնետոմսերի հրապարակայի տեղակայման մասին:
Բորսայում առաջնային տեղակայման համար կառաջարկվի փաթեթ, որի չի գերազանցի ընկերության բաժնետոմսերի 10%-ը: IPO-ն սպասվում է հոկտեմբերի երկրորդ կեսին:
Սա արվում է Fiat Chrysler Automobiles-ի՝ 48 մլրդ եվրո (53 մլրդ դոլար) արժողությամբ ներդրումային ծրագիրն իրականացնելու նպատակով: Այն նախատեսում է մինչեւ 2018 թվականը վաճառքի 60% աճ ապահովել՝ դրա ծավալները հասցնելով 70 մլն ավտոմեքենայի:
BBC-ի ռուսական ծառայության փոխանցմամբ, գործարքի կազմակերպիչներն են UBS, Bank of America Merrill Lynch, Santander եւ Pierce, Fenner & Smith բանկերը:
Fiat Chrysler Automobiles-ը Ferrari-ի բաժնետոմսերի 90%-ի սեփականատերն է: Բաժնետոմսերի 10%-ը պատկանում է ֆիրմայի հանգուցյալ հիմնադիր Էնցո Ֆերրարիի որդուն՝ ընկերության փոխնախագահ Պիերո Ֆերրարիին:
