Ճապոնական Mitsubishi Motors ընկերությունը կդադարեցնի մեքենաների արտադրությունը ԱՄՆ-ում եւ կկենտրոնանա Ասիայի շուկաների վրա: Ընկերությունը մտադիր է վաճառել Իլինոյս նահանգում գտնվող գործարանը եւ տեղափոխել արտադրական հզորությունները Թաիլանդի ու Ֆիլիպինների գործարաններ, հաղորդում է ՌԻԱ Նովոստին:
Նման որոշման հիմնական պատճառ է հանդիսանում ԱՄՆ-ում ճապոնական արտադրության ավտոմեքենաների նկատմամբ պահանջարկի նվազումը:
Mitsubishi Motors-ը գործունեություն է ծավալում ավելի քան 80 երկրներում: Ընկերության շտաբ-բնակարանը գտնվում է Տոկիոյում, աշխատակիցների թիվը կազմում է մոտ 60 հազար մարդ: