Մեքսիկայի հարավում պետական նավթային Pemex ընկերության երեք աշխատակիցներ անհայտ հանցագործների հարձակման զոհ են դարձել: Միջադեպը տեղի է ունեցել Ուիմանգիլո շրջանում, երբ նրանք վերադառնում էին աշխատանքից: Այդ մասին լրատվամիջոցներին ուրբաթ հաղորդել է հասարակական անվտանգության քաղաքային վարչության ղեկավար Խոսե Գուադալուպե Յան Դիասը, հաղորդում է ՏԱՍՍ-ը:
Զինված մարդիկ փակել են նավթային ընկերության աշխատակիցների ճանապարհը, պահանջել են տալ փողերն ու թանկարժեք իրերը: Մերժում ստանալով նրանք կրակ են բացել:
Արդյունքում երեք մարդ ծանր վիրավորվել է: Եվս մեկը կյանքի հետ անհամատեղելի վնասվածք է ստացել, երբ նրան հարվածել է հենց այն ավտոմեքենան, որով տուժողներին պետք է տանեին հիվանդանոց: Ավելի ուշ մյուս երկու վիրավորները մահացել են հիվանդանոցում:
Իշխանությունները սկսել են հանցագործության հանգամանքների հետաքննություն իրականացնել:
