Ֆոտոլրտեսները համացանցում տեղադրել են Kia Sportage նոր քրոսովերի լուսանկարները, որոնցից սակայն պարզ չէ, թե մոդելը կոնցեպտ է, թե շարքային ավտոմեքենա: Կորեական ընկերությունում հրաժարվել են մեկնաբանել լուսանկարները:
Նոր մոդելը արտաքնապես բավականին փոփոխված է: Փոխված են ռադիատորի վանդակն ու հետին լուսարձակները: Դիմային լուսարձակները նույնպես ենթարկվել են փոփոխությունների: Մեքենան շատ նման է իր մրցակից Honda CR-V-ին, հայտնում է Planet- today-ը:
Քրոսովերը կունենա 132-145 ձիաուժ հզորությամբ եւ 1.2, 1.6, 2 լիտր ծավալով շարժիչ: Ավտոսիրողները իրենք կընտրեն մեքենայի փոխանցման տուփը՝ ավտոմատ թե մեխանիկական:
Մոդելի շնորհանդեսը տեղի կունենա Մայնի Ֆրանկֆուրտում սեպտեմբերին: Մեքենայի արժեքն այս պահին անհայտ է մնում:
