Վրաց պատրիարք կաթողիկոս Իլյա Երկրորդը բարեհաջող վիրահատվել է Գերմանիայում: Այս մասին հայտնում է «Ինտերֆաքս»-ը՝ վկայակոչելով պատրիարքարանի մամուլի ծառայության հայտարարությունը:
Վրացական եկեղեցու ղեկավարը հուլիսի 14-ին ժամանել է Բեռլին, որտեղ բուժման հերթական կուրսն է անցել:
«Կորոնարոգրաֆիան պարզել է, որ սրտի անոթների համար լրացուցիչ ինվազիվ բուժում է անհրաժեշտ: Ընթացակարգը բարեհաջող է անցել»,- ասված է հաղորդագրության մեջ:
Իլյա Երկրորդը Վրաստան կվերադառնա հուլիսի 30-ին:
