Թուրքիայում հուլիսի 20-ի խոշոր ահաբեկչության հեղինակին ոստիկանները դատարանի որոշմամբ 10 օր գաղտնալսել էին, սակայն որեւէ կանխարգելիչ քայլ չեն արել:
Թուրքական Milliyet-ի փոխանցմամբ` հայտնի է դարձել, որ Ադըյաման նահանգի ոստիկանությունը տեղյակ է եղել 20-ամյա Աբդուռահման Ալագյոզի մասին, նույնիսկ դատարանի որոշմամբ գաղտնալսել է նրան:
Ոստիկանությունը նաեւ հետեւել է, որ Ալագյոզը պարբերաբար այցելել է Դիարբեքիրում իրանակացրած ահաբեկչության հեղինակի տուն:
Նշենք, որ հուլիսի 20-ին Թուրքիայի տարբեր վայրերից ահաբեկչության դեմ պայքարող հեղափոխական հայացքներով մի խումբ երիտասարդներ Քոբանիի երեխաներին խաղալիքներ ու հագուստներ էին ցանկանում տանել, սակայն թուրքական իշխանությունները թույլ չեն տվել անցնել սահմանը, որից հետո նրանք Սուրուչի շրջանում մամուլի ասուլիս են հրավիրում: Հենց ասուլիսի ժամանակ մահապարտ ահաբեկիչը մտնում է նրանց մեջ եւ պայթեցնում իրեն` կոտորելով 32 երիտասարդի:
Այս պայթյունից հետո Թուրքիան փորձում է տպավորություն ստեղծել, թե պայքարում է «Իսլամական պետության» դեմ: