Թուրքիայի 22 նահանգներում անցյալ շաբաթ իրականացված հատուկ գործողությունների արդյունքում ձերբակալվել է ահաբեկչական գործունեության կամ ծայրահեղական կազմակերպությունների հետ կապ ունենալու մեջ կասկածվող մոտ 600 մարդ: Այս մասին հայտարարել է երկրի վարչապետ Ահմեդ Դավութօղլուն:
«Մենք վճռական ենք տրամադրված ԻՊ ահաբեկչական խմբավորմանը եւ Քրդական աշխատավորական կուսակցությանը հակազդելու համար բոլոր անհրաժեշտ միջոցները ձեռնարկելու գործում: Անցյալ գիշեր ձերբկալվել է 288 մարդ: Ահաբեկչության մեջ կասկածվող ձերբակալված անձնանց ընդհանուր թիվը կազմում է 590», - ասել է նա:
Դավութօղլոին հիշեցրել է, որ խորհրդարանական ընտրություններից հետո Թուրքիայում տեղի է ունեցել 212 զինված հարձակում եւ առեւանգվել է 15 մարդ: Գրանցվել է ահաբեկչության 281 դեպք, գրում է ՏԱՍՍ-ը: