Արարատի մարզի Վերին Դվին գյուղում այսօր՝ հուլիսի 25-ին, 2-ամյա տղա է ընկել Արտաշատի ջրանցքը եւ խեղդվել: Այս մասին NEWS.am-ի թղթակցին ասաց համայնքի ղեկավար Լյուդմիլա Պետրովան:
«Առավոտյան մայրը մտել է խոհանոց հաց սարքելու, երեխան դուրս է եկել եւ կորել: Մի քանի ժամ անց գտել ենք ջրանցքում, որը ընդամենը 20 մետր հեռավորության վրա է տնից»,- ասաց գյուղապետը:
Ավելի վաղ ՏԿԱԻՆ մամուլի ծառայությունը հայտնել էր, որ հուլիսի 25-ին, ժամը 12.10-ին ահազանգ է ստացվել, որ ժամը 10.00-ի սահմաններում կորել է գյուղի բնակիչ` 2013 թ. ծնված Կ. Ս.-ը: Դեպքի վայր է մեկնել հրշեջ-փրկարարական ջոկատի օպերատիվ խումբը և հատուկ ջրափրկարարական ջոկատից մեկ մարտական հաշվարկ:
