Կալիֆորնիայում սպանել են Discovery ալիքի երիտասարդ պրոդյուսերին: 25-ամյա Ջո ՄաքՄեհոնին գնդակահարել են հուլիսի 24-ին, Փասադենայի իր տան առջեւ:
Ջոյի հարազատները պատմել են, որ գիշերվա ժամը 2-ի սահմաններում նա կասկածելի աղմուկ է լսել տան մերձակայքում եւ դուրս եկել՝ տեսնելու, թե ինչ է կատարվում: Նրա ուղղությամբ մի քանի անգամ կրակել են: Մինչ բժիշկների ժամանումը ստացած վնասվածքներից երիտասարդը մահացել է:
Daily Mail-ի փոխանցմամբ, ոստիկանությունը որոնում է սպանությունն իրականացնելու մեջ կասկածվողներին:
Ըստ «Կոմսոմոլսկայա պրավդա»-ի, իրավապահները հանցագործության մի քանի տարբերակ են դիտարկում: Սակայն ենթադրվում է, որ պրոդյուսերը հանցագործների պատահական զոհ է դարձել: