Հայաստանի ՏԿԱԻՆ-ում, այսօր՝ հուլիսի 27-ին, ժամը 02.42-ին ահազանգ է ստացվել, որ Երեւանի Մոնթե Մելքոնյան պողոտայում տեղի է ունեցել ավտովթար. ավտոմեքենան դուրս է եկել ճանապարհի երթեւեկելի հատվածից եւ շրջվել ձորակը:
Դեպքի վայր է մեկնել ՀՆՓԱԻ կենտրոնի փրկարարական ջոկատը եւ մեկ մարտական հաշվարկ:
Պարզվել է, որ դեռեւս չբացահայտված հանգամանքներում «Մազդա 6» մակնիշի 23 PO 001 համարանիշով ավտոմեքենան դուրս է եկել ճանապարհի երթեւեկելի հատվածից եւ 30 մետր գլորվելով հայտնվել ձորում, քարերի մեջ:
Մինչ փրկարարների կանչի վայր հասնելը՝ վարորդը՝ 36-ամյա Կարեն Վ.-ն, ինքնուրույն դուրս է եկել ավտոմեքենայից: Փրկարարները վերջինիս պատգարակով դուրս են բերել ձորակից եւ մոտեցրել շտապօգնության ավտոմեքենային: Տուժածը հոսպիտալացվել է «Արմենիա» ՀԲԿ, որտեղ բժիշկները առողջական վիճակը գնահատել են ծայրահեղ ծանր:
Այսօր՝ հուլիսի 27-ի առավոտյան նա գիտակցության չգալով մահացել է: