Քիմիկատներում կան այն ամենում, ինչ մենք ուտում եւ խմում ենք: Այս մասին YouTube-ի AsapSCIENCE ալիքում հայտարարել են Միթչել Մոֆիթն ու Գրեգորի Բրաունը: Նրանք ներկայացրած տեսանյութում պատմում են տարբեր մթերքներում քիմիական նյութերի պարունակության, ինչպես նաեւ այն մասին, արդյո՞ք դրանք կարող են վնաս պատճառել:
Օրինակ՝ բանանի մեջ 50 տարբեր քիմիկատ կա, մինչդեռ հանրահայտ Love Hearts կոնֆետներում՝ ընդամենը 13:
AsapSCIENCE-ի հաղորդավարները հայտարարում են, որ ամեն ինչում քիմիական նյութեր կան, այդ թվում՝ սննդի եւ խմելու ջրի մեջ, որն արտադրողները խորհուրդ են տալիս որպես մաքուր բնական, ինչպես նաեւ օդի: Այդ պատճառով, ըստ նրանց, հարկավոր է հասկանալ, որ առանց քիմիկատների մթերքը պարզապես առասպել է:
Մոֆիթն ու Բրաունը նշում են, որ մթերքներում քիմիական տարրերի քանակությունն այնքան վտանգավոր չէ, որքան դրանք մեծ չափաբաժինը, որը թույնի է վերածվում:
Նշելով, որ այս ամենը չի նշանակում, որ բոլոր մթերքները վնասակար են մարդու համար, տեսանյութի հեղինակները պարզապես կոչ են անում համակերպվել այն մտքին, որ քիմիկատներ չպարունակող սնունդ գտնելը պարզապես անհնար է: