Հունիսի 8-ին, ժամը 07.45-ին, ոստիկանության Երեւան քաղաքի վարչության օպերատիվ կառավարման կենտրոնից Մալաթիայի բաժնում հաղորդում է ստացվել, որ իրենց է զանգահարել 57-ամյա Նուբար Զ.-ն եւ հայտնել, որ հունիսի 7-ի ժամը 21.00-ից հունիսի 8-ի ժամը 07.40-ն ընկած ժամանակահատվածում տան բակից փախցրել են «Հոնդա Սիերվի» մակնիշի ավտոմեքենան, որը հետագայում հայտնաբերվել է Շերամի փողոցի թիվ 96/21 տան մոտ: Մեքենայի սրահից գողացել են 10 դոլար, ակնոց եւ կրիչ:

Ոստիկանության մամուլի ծառայությունից հայտնում են, որ ոստիկանության ծառայողները հուլիսի 26-ին, ժամը 09.10-ին, գողությունը կատարելու կասկածանքով, Րաֆֆու փողոցում գտնվող եկեղեցու մոտից բերման են ենթարկել 23-ամյա Տիգրան Կ.-ին, ով խոստովանել է, որ ավտոմեքենան փախցրել եւ գողությունը կատարել է ինքը:

Տիգրան Կ.-ն ներկայացվել է քննչական բաժին:

Ձեռնարկվում են միջոցառումներ գողոնը հայտնաբերելու ուղղությամբ:

Կատարվում է քննություն: