«Իսլամական պետություն» ահաբեկչական խմբավորման գրոհայինները փորձում են փախչել Իրաքի Անբար արեւմտյան նահանգի Ռամադի եւ Էլ Ֆալուջա քաղաքներից, որտեղ կառավարական ուժերը հակաահաբեկչական զանգվածային գործողություններ են իրականացնում։ Ինչպես հայտնում է «Ալ Արաբիան», արմատականներն այդ նպատակով կանացի հագուստի տակ են քողարկվում։
Հիմնականում դեպի Հիթ քաղաք զանգվածային փախուստը սկսվել էր այն բանից հետո, երբ բանակային հատուկ նշանակության ստորաբաժանումներին հաջողվել էր արմատականներից հետ խլել Ռամադիի համալսարանը, փոխանցում է ՏԱՍՍ-ը։
Ահաբեկիչները հենց այդ շենքն էին օգտագործում որպես Անբար նահանգում խմբավորման շտաբ գրասենյակ։
