ԱՄՆ նախագահ Բարաք Օբաման հայտարարել է, որ դեռեւս չի լսել արժանի փաստարկներ Իրանի հետ համաձայնագրի կնքման հակառակորդների կողմից:
Եթովպիայի մայրաքաղաք Ադիս Աբեբայում կայացած մամուլի ասուլիսի ժամանակ Օբաման հիշեցրել է, որ համաձայնագիրը Իրանի միջուկային օբյեկտների ստուգման աննախադեպ մակարդակ է ապահովում, ինչպես նաեւ պայմանները խախտելու դեպքում պատժամիջոցներին վերադառնալու մեխանիզմներ է պարունակում: Ես դեռ մյուս կողմից հիմնավոր փաստարկներ չեմ լսել, որոնք արժանի կլինեին ուշադրության: Երկիր մոլորակի բնակչության 99 տոկոսը դա լավ համաձայնագիր է համարում, որի պատճառն այն է, որ դա իսկապես լավն է»,-հայտարարել է ԱՄՆ նախագահը, հաղորդում է «ՌԻԱ նովոստին»:
