Բազմաթիվ մարդիկ չեն կարողանում հասկանալ, որ վտանգավոր կենդանիների հետ սելֆին կարող է տխուր հետեւանքներ ունենալ, ինչն էլ տեղի է ունեցել ամերիկացու հետ, որը որոշել է սելֆի անել բոժոժավոր օձի հետ:
Ըստ Daily Mirror-ի, Սան Դիեգոյի բնակիչ Թոդ Ֆասլերը բնության գրկում զբոսնելիս թփերի մեջ օձ է նկատել: Նա սողունին դուրս է բերել թփերից եւ փորձել նրա հետ սելֆի անել: Սակայն օձը խայթել է տղամարդու ձեռքը:
RG-ի փոխանցմամբ, տղամարդուն անմիջապես հիվանդանոց են տեղափոխել, սակայն այնտեղ անհրաժեշտ դեղորայք չի եղել: Երբ երրորդ հիվանդանոցում բժիշկներին հաջողվել է ուշքի բերել Ֆասլերին, նրան 153 հազար դոլարի հաշիվ են ներկայացրել: Ներկայում նրա ապահովագրական ընկերությունը բանակցություններ է վարում հիվանդանոցների հետ: Սակայն հնարավոր է, որ սելֆիի սիրահարը ստիպված լինի անձամբ հսկայական գումար վճարել:
Հարկ է նշել, որ միջադեպից առաջ տուժածը 4 տարի շարունակ իր տանը բոժոժավոր օձ է պահել: Սակայն խայթոցից հետո Ֆասլերը որոշել է սողունին ազատություն շնորհել: