Fiat Chrysler Automobiles NV կոնցեռնը ստիպված է եղել ԱՄՆ-ից 1.4 մլն ավտոմեքենա հետ կանչել հաքերների պատճառով, որոնք վտանգավոր խոցելի սխալներ են գտել ծրագրային ապահովման մեջ: Ինտերֆաքսի փոխանցմամբ, այս մասին տեղեկացնում է ընկերության մամուլի հաղորդագրությունը:

Հետ կկանչվեն 2013-2015 թվականների արտադրության ավտոմեքենաները: Դրանց թվում են Dodge Ram-ը, Chrysler-ը եւ Jeep-ը:

Այս մեքենաների ծրագրային ապահովումը կթարմացնեն, որպեսզի հաքերները չկարողանան ցանցային միացմամբ հեռակա կերպով միանալ մեքենային համակարգչին: