Հիգիենայի ոլորտի բրիտանացի գիտնականները հանգել են եզրակացության, որ արթնանալուց անմիջապես հետո անկողինը հավաքելը կարող է մարդու արտաքինի եւ ինքնազգացողության հետ կապված խնդիրներ առաջացնել: Գիտնական Էնջի Մաքենզիի կարծիքով, այդ դեպքում մեծանում է լվերի բազմացման վտանգը, որոնք խոնավություն եւ ջերմություն են սիրում:
Մասնագետի համոզմամբ, այս սովորույթը վտանգավոր է հատկապես ամռանը: Ըստ Informing-ի, տաք եղանակին անկողինը գիշերվա ընթացքում ներծծում է քրտինքը, ինչն էլ կարող է գրավել լվերին:
Մասնագետը նշել է, որ այդ միջատները կարող են մարդկանց ալերգիա առաջացնել: Բացի այդ, դա կարող է ասթմա, դերմատիտի եւ նույնիսկ կոնյունկտիվիտի առաջացման վտանգ պարունակել:
Այդ պատճառով հարկավոր է անկողինը հավաքել արթնանալուց առնվազն 15-20 րոպե անց: Բացի այդ, առավոտյան լավ կլինի նաեւ օդափոխել ննջասենյակը:
