Apple ընկերությունը նախազգուշացրել են վերջին սերնդի MacBook Pro դյուրակիր համակարգիչների SSD-ում անսարքության մասին: Այս մասին ընկերությունը տեղեկացրել է իր պաշտոնական կայքում:
Անսարքությունը հանգեցնում է համակարգչի կոշտ սկավառակում տվյալների կորստի: Apple-ում հայտարարել են, որ այդպիսի խնդիր չափազանց հազվադեպ է արձանագրվում, սակայն չեն հստակեցրել, թե համակարգիչների քանի տոկոսն այդպիսի անսարքություն ունի:
Նախկինում օգտատերերը բազմիցս էին MacBook Pro-ում խոտան հայտնաբերել: Միաժամանակ, համացանցում մեծ թափ է ստանում Apple-ի դեմ ստորագրահավաքը, որի մասնակիցները պահանջում են անվճար փոխել էկրանները, որոնց հակացոլքային ծածկը շերտավորվում է: