Ամերիկյան Վիսկոնսին նահանգում մեկշարժիչանի օդանավ է կործանվել, որի հետեւանքով մահացել է 4 մարդ: Այս մասին հաղորդում է KSTP հեռուստաալիքը՝ վկայակոչելով տեղի իշխանություններին:
Beech M35 օդանավն ընկել է Ամերի քաղաքի մոտ գտնվողն դաշտերում: Օդանավում գտնվողներից ոչ մեկը կենդանի չի մնացել: Ավիավթարի հանգամանքները պարզվում են:
Միջադեպը տեղի է ունեցել Վիսկոնսինում նմանատիպ մեկ այլ ավիավթարից 5 օր հետո: Հուլիսի 22-ին Օշկոշի օդանավակայանում վայրէջքի ժամանակ աղետի է ենթարկվել փորձարարական ավիացիայի ասոցիացիայի օդանավը, հաղորդում է Lenta-ն: Արդյունքում վնասվածք էր ստացել 6 մարդ, որից 5-ը եղել են օդանավում, իսկ 6-րդը՝ գետնից հետեւում էր օդանավին: Երկու մարդ ծանր վիճակում տեղափոխվել է հիվանդանոց: