Նավթի համաշխարհային գները նվազում են շուկայեւմ սեւ ոսկու առաջարկի հնարավոր գերառատության եւ ոչ բավարար պահանջարկի մտավախությունների ֆոնին: Այդ մասին են վկայում գործարքների տվյալները:
Brent տեսակի նավթի սեպտեմբերյան ֆյուչերսների արժեքը նվազել է 0,71 տոկոսով՝ հասնելով 53,09 դոլարի՝ մեկ բարելի դիմաց:
WTI տեսակի նավթի սեպտեմբերյան ֆյուչերսների արժեքը նվազել է 0,57 տոկոսով՝ հասնելով 47,12 դոլարի՝ մեկ բարելի դիմաց, հաղորդում է «ՌԻԱ նովոստին»:
Ներդրողները մտավախություն ունեն, որ ԱՄՆ-ի եւ Մերձավոր Արեւելքի նավթարդյունահանող ընկերությունները կշարունակեն մեծացնել նավթի առաջարկը համաշխարհային շուկայում:
South Oil Co. Ընկերության գնահատականներով, նավթի արտահանումը հարավային Իրաքից հուլիսին ավելացել է օրական մինչեւ 3,064 մլն բարելով եւ այդ ցուցանիշը կպահպանի մինչեւ ամսվա վերջ: Հունիսին այդ ցուցանիշը կազմում էր 3,02 մլն բարել:
