Մայրաքաղաքի կանաչ գոտիների, պուրակների եւ այգիների տարածքների ընդլայնման, նորերի ձեւավորման ծրագրի համատեքստում Շենգավիթ վարչական շրջանում շարունակվում են Կարմիր բլուր հնավայրին հարակից տարածքի բարեկարգման աշխատանքները:
Համաքաղաքային գարնանային ծառատունկի աշխատանքների ընթացքում մաքրվել եւ փորվել է այգու տարածքը , ավելացվել է անհրաժեշտ քանակության բուսահող: Ներկայում ընթացքի մեջ է եւ շուտով կավարտվի բարեկարգման աշխատանքների առաջին փուլը: Զուգահեռաբար նախանշվել են ապագա զբոսայգու ճեմուղիները, սիզամարգային հատվածները: Առաջիկա ամիսներին կձեւավորվեն նաեւ հանգստի գոտիները, խաղահրապարակները, այգին կկահավորվի եւ կներկայանա հարմարավետ ու գեղեցիկ տեսքով: Շուրջ 3000 քմ տարածքով այգին նախատեսվում է երեւանցիներին հանձնել հոկտեմբերին: