Սահմանադրական բարեփոխումների շնորհիվ Հայաստանի իշխանությունները ցանկանում են վերացնել նախագահական ընտրությունները, քանի որ այնտեղ մշտապես պարտվում են: NEWS.am-ի թղթակցի հետ զրույցում նման կարծիք հայտնեց ՀԺԿ նախագահ, ԱԺ ՀԱԿ խմբակցության պատգամավոր Ստեփան Դեմիրճյանը:
Նրա խոսքով՝ իրենց դիրքորոշումը Սահմանադրական բարեփոխումների վերաբերյալ անփոփոխ է. այսօր Հայաստանում Սահմանադրության փոփոխության հասարակական պահանջ, անհրաժեշտություն չկա:
«Երկրում առկա ճգնաժամը ոչ թե Սահմանադրության անկատարության, այլ ոտնահարման պատճառով է: Այսօր առաջնային խնդիրը ազատ, արդար ընտրությունների անցկացումն է: Շարունակաբար կեղծում են ընտրությունները. կարծես ավանդույթ է դարձել ընտրությունների կեղծումից հետո Սահմանադրություն փոխելը: Պետք է փոխել իշխանություններին, պետք է Հայաստանում ձեւավորել Սահմանադրությունը հարգելու ավանդույթ»,- ասաց Ստեփան Դեմիրճյանը:
ՀԱԿ խմբակցության պատգամավորը մեկ անգամ եւս շեշտեց, որ իրենք ոչ մի բովանդակային քննարկման մեջ չեն մտնելու իշխանությունների հետ: Նրանց համար ակնհայտ է, որ բարեփոխումները չեն անցնելու:
Հիշեցնենք, որ հուլիսի 15-ին հրապարակվել են Սահմանադրության նոր նախագծի 1-7-րֆ գլուխները: Նոր Նածագծով նախատեսվում է անցում կառավարման խորհրդարանական համակարգի:
