Սեւանա լճում հուլիսի 27-ի երեկոյան խեղդված 25-ամյա Գեւորգ Սաքեյանն աշխատում էր «Արարատբանկի» Սեւանի մասնաճյուղում: Այս մասին NEWS.am-ի թղթակցին հայտնեցին Սեւանի քաղաքապետարանի լրատվական ծառայությունից:
Նրանց փոխանցմամբ՝ Գեւորգ Սաքեյանը Սեւան քաղաքի բնակիչ էր, ամուսնացած էր, ուներ երկու երեխա:
«Թե ինչպես է դեպքը պատահել, ոչ մի բան հստակ չկա»,- ասացին լրատվական ծառայությունից:
Ավելի վաղ NEWS.am-ը հաղորդել էր, որ 2015թ. հուլիսի 27-ին, ժամը 19:05-ին ՏԿԱԻՆ փրկարար ծառայությունն ահազանգ է ստացել, որ «Հարսնաքար» հյուրանոցի մոտակայքում`Սեւանա լճում. քաղաքացին մոտորանավակից ընկել էր: Դեպքի վայր մեկնած ջրափրկարարները ջրից դուրս են բերել 1990 թվականին ծնված Գ.Ս.-ի դին: