Գերմանական Volkswagen AG ավտոկոնցեռնը, այս տարվա առաջին կիսամյակի արդյունքներով, վաճառքի համաշխարհային առաջատարն է: Այն շրջանցել է իր գլխավոր մրցակցին՝ ճապոնական Toyota Motor Corp. կոնցեռնին:
Ընթացիկ տարվա առաջին 6 ամիսներին Volkswagen AG-ն 5.04 մլն մեքենա է վաճառել, ճապոնական Toyota-ն՝ 5.02 մլն:
Ըստ Informing-ի, Volkswagen AG-ն բազմիցս է հայտարարել վաճառքի համաշխարհային շուկայում առաջատարի դիրք զբաղեցնելու մասին, եւ վերջապես ընկերությանը հաջողվել է անել այդ:
Հիշեցնենք, որ 2014 թվականի արդյունքներով, Toyota-ն ավտոմեքենաների վաճառքի ծավալներն ավելացրել էր 3%-ով (10.23 մլն)՝ դառնալով համաշխարհային առաջատար: Երկրորդ տեղում VW-ն էր՝ 10.14 մլն վաճառված ավտոմեքենայով: