Kuwait Airways ավիաընկերության օդաչուները սկանդալի կենտրոնում են հայտնվել, երբ «մեծահասակների համար ֆիլմերի» ամերիկյան նախկին դերասանուհի, ներկայում՝ Playboy ամսագրի աստղ Քլոե Հանը համացանցում լուսանկարներ եւ տեսանյութ է տեղադրել, թե ինչպես է Լոնդոնից Նյու Յորք ուղեւորվող օդանավում 10 հազար կմ բարձրության վրա ընկերուհու հետ զվարճանում հենց օդաչուների խցիկում:
Դատելով Քլոեի Instagram-ում տեղադրված լուսանկարներից՝ օդաչուին ամենեւին չի մտահոգում ուղեւորների կյանքի համար պատասխանատվությունը, որը փարթամ կազմվածքով մոդելին նստեցնում է ծնկներին եւ ծխում: Քլոեի խոսքով, իրեն նույնիսկ թույլ են տվել ձեռք տալ ինքնաթիռի սարքավորումները:
«Ես հարցրեցի, արդյո՞ք նորմալ է, որ խցիկում ուղեւորներ կան, եւ որ օդանավում ծխելն արգելված է, իսկ նա պատասխանեց. ես ինքս եմ սահմանում կանոնները»,- գրել է աղջիկը:
Ըստ Mignews-ի, չնայած ավիափոխադրողի ներկայացուցիչները դեռեւս որեւէ կերպ չեն մեկնաբանում միջադեպը, երկրորդ օդաչուն դժվար թե խուսափի պատժից: