Տավուշի մարզի Ոսկեպար գյուղի տարածքում հուլիսի 27-ին վաղ առավոտյան վթարի ենթարկված 23-ամյա հղի կնոջ 7-ամսական պտուղն այսօր՝ հուլիսի 28-ին, հեռացրել են: Այս մասին NEWS.am-ի թղթակցին ասաց հիվանդանոցի բժիշկ Դանիել Ամիրաղյանը:
«Կեսարյան հատում ենք արել եւ մահացած պտուղը հեռացրել ենք: Թե ինչն է եղել պտղի մահվան պատճառը, պարզ կլինի միայն հետազոտությունից հետո»,- ասաց բժիշկը:
Ավելի վաղ ՏԿԱԻՆ մամուլի ծառայությունը հաղորդել էր, որ 2015թ. հուլիսի 27-ին Նոյեմբերյան-Ոսկեպար ավտոճանապարհի 18-րդ կմ-ում Ս. Ա.-ի վարած «Օպել Աստրա» մակնիշի 34 NV 820 պետհամարանիշով ավտոմեքենան դուրս է եկել ճանապարհի երթեւեկելի մասից եւ ընկել Ոսկեպար գետը: Մինչ հրշեջ-փրկարարների կանչի վայր հասնելը՝ մեքենայի ուղեւորուհուն՝ 23-ամյա Ալինա Զ.-ն, որը հղի է, տեղափոխվել է Նոյեմբերյանի ԲԿ: